أغلى ١٠ شقق في مصر: من ٦٢ مليون لـ ٢٨٦ مليون جنيه.. أرقام هتخليك تدمع
كلنا بنشوف الأسعار بتزيد، بس سألت نفسك قبل كدة أغلى شقق في مصر شكلها إيه وموجودة فين؟ قررنا ندور ونجمع أغلى ١٠ شقق بتتباع دلوقتي. من الساحل للتجمع للشيخ زايد، دي القائمة الرسمية لعقارات الـ ١٪ في مصر.
١٠. مراسي (أدرس ريزورت) — ٦٢ مليون جنيه
بداية القائمة مع شقة ١١٨ متر في "أدرس ريزورت". رغم إن الرقم يخض، بس لو معاك فلوسها ده استثمار مش وحش أبداً، لأن الغرفة اللي زي دي في الفندق بتتشأجر بحوالي ٢٠٠٠ دولار في اليوم.
٩. مراسي (المارينا) — ٧٠ مليون جنيه
هنتمشى خطوتين للمارينا السعر بيزيد لـ ٧٠ مليون جنيه لشقة مساحتها ٢١٣ متر. الميزة هنا مش بس الشقة، ده اللايف ستايل. أكيد هتكون عاوز تركن اليخت بتاعك؟ ممكن تركنه تحت البيت بـ ٣٠ ألف دولار في السيزون
٨. الزمالك (فيو النيل) — ٧٦ مليون جنيه
في منطقة الجبلاية على النيل مباشرة، شقة ٤٠٠ متر بسعر ٧٦ مليون. الميزة الكبيرة هنا إن الشقة بتيجي بـ "ركنتين" للعربية. وأي حد عاش في الزمالك عارف إن ركنتين مضمونين دول لوحدهم ثروة
٧. سوان ليك (التجمع) — ٧٧ مليون جنيه
في التجمع الخامس، وتحديداً في مرحلة "The Amaia" في سوان ليك، بنلاقي بنتهاوس في الدور الأخير مساحته ٢٦٥ متر بـ ٧٧ مليون جنيه. رفاهية وخصوصية في قلب القاهرة الجديدة.
٦. برج OIA (العاصمة الإدارية) — ٨٦ مليون جنيه
العاصمة الإدارية دخلت السباق بشقة فندقية في الدور الـ ١٧ في برج OIA. المساحة ٣٠٠ متر والسعر ٨٦ مليون جنيه، عشان تعيش في قلب مستقبل مصر.
٥. الزمالك (بنتهاوس) — ٩٠ مليون جنيه
نرجع لنفس العمارة في الزمالك بس المرة دي في الدور الأخير. شقة ٤٨٠ متر بتتباع بـ ٩٠ مليون، وبرضه بتيجي بركنتين. نصيحتي؟ اشتري دي واللي في الدور التامن، وكده يبقى معاك ٤ ركنات على الكورنيش ممكن تفتحهم بيزنس وتسترزق منهم.
٤. الجونة (فانادر شورز) — ١٢٠ مليون جنيه
شقة ٢٦٠ متر على البحر مباشرة في "فانادر شورز". بـ ١٢٠ مليون جنيه، دي قمة الرفاهية في البحر الأحمر.
٣. نيو جيزة (الشيخ زايد) — ١٣٠ مليون جنيه
دي بقى تعتبر "لقطة" لو حسبنا سعر المتر مقارنة بالباقي. شقة ٧٨٠ متر، بسين شايف الهرم، وتصميم الناس اللي عملوا ستاد ريال مدريد. (بصوا يا جماعة، لو ١٦٠ ألف واحد بعتلي ٨٠٠ جنيه على إنستاباي ممكن نشتريها ونخمِّس فيها، بس أنا اللي هقعد فيها الأول)
٢. زد الشيخ زايد (Casa D'or) — ١٧٠ مليون جنيه
في أبراج "البيت الذهبي"، شقة ٤٢٠ متر مفروشة بالكامل من مصمم الأزياء العالمي أرماني. البروشور بتاعهم بيوصف المشتري بإن "الأشخاص مثلك لا يعجبون بالفن من بعيد، بل يعيشوه ويتنفسوه". دي مش مجرد شقة، دي تحفة فنية
١. ذا آرك (التجمع الخامس) — ٢٨٦ مليون جنيه
أغلى شقة في مصر حالياً موجودة في شارع التسعين في مشروع "The Ark". شقة مساحتها ١١٥٠ متر وسعرها كسر الربع مليار جنيه
بتدور على شقة أحلامك؟ (بأي ميزانية)
سواء بتدور على الرفاهية دي أو بتدور على أرخص شقق في مصر بالتقسيط، التكنولوجيا هتساعدك تلاقي طلبك في ثواني.
استخدم أداتنا عشان تلاقي العقار المناسب ليك بالذكاء الاصطناعي: PropertySorted.com
استشر خبير الذكاء الاصطناعي "حمادة": شات مع حمادة
شوف الفيديو اللي كسر الدنيا اتفرج على الفيديو المسلي اللي عملنا فيه القائمة دي: شاهد على إنستجرام | شاهد على تيك توك
